Convergéncia — L’Ostal d’Occitània e sos eveniments
Entre eveniments, concèrts, mòstras e conférencias, Convergéncia anima e gerís l’Ostal d’Occitania. Luòc d’escambi e de sinergia entre los actors de la vida occitana, recampa mai de 90 associacions qu’obran a l’irradiacion de l’identitat occitana.
Amb l’acuelh del public, la mesa a disposicion d’un servici comun de comunicacion e de mejans administratius e tecnics (prèst de sala, de material…), Convergéncia elabora un projecte cultural coerent e structurat per la valorisacion de l’occitan e per sostener la produccion e la difusion artistica occitana per la promocion de la cultura occitana.
La nòstra volentat ? Impulsar una dinamica per la lenga e la cultura occitanas. Valorisar los actors de l’ensenhament, de la difusion culturala, de la formacion, de la ràdio, de la musica, de l’edicion occitana. Transmetre e crear per permetre la pluralitat culturala. Contribuir a l’etica, a la tolerància, a la laïcitat, al viure amassa e al dinamisme de las nòstras vilas e regions.
Lo mot del president
A l’Internauta, al legéire, a l’amic
Aicí lo siti de la Convergéncia occitana, associacion nascuda en 1998 de la volontat d’una quarantena d’associacions occitanas.
A l’ora d’ara, Convergéncia Occitana acampa mai de nonanta associacions, de Tolosa, del departament o de la Region e que totas, directament o indirectament, trabalhan per la lenga e la cultura occitanas… e tanben per l’espandiment de nòstre « País Occitan » !
Aquesta associacion que coneis, ara d’enlà, a mai de 20 ans de vida e anima dempuèi 2006 l’Ostal d’Occitània, proprietat de la Comuna de Tolosa. Restaurat entre 2001 e 2006, dins lo bèl encastre de l’ostal de dos Capítols, Uc de Boisson (mila quatre cent nonanta dos) e Joan de Cheverri (mila cinc cente quinze) l’Ostal vos acuelhís dins un airal de patz, al còr de la nòstra capitala occitana.
Dins aqueste lòc prestigiós, bèlament restaurat, podrètz rescontrar las associacions que tenon aquí lor sèti social, e que trabalhan de contunh per l’ensenhament, l’espandiment cultural, l’educacion, la formacion professionala, la musica e lo teatre, la ràdio, lo cinemà e vidèo, la filosofia, l’istòria e çò de mai… Vos i podrètz tanben participar a las divèrsas activitats, totjorn a gratis: mòstras, conferéncias e concèrts « Los dijòus de l’Ostal », sens doblidar d’eveniments excepcionals : anniversari, fèsta de la musica, Diada de Catalonha, Jornada del Patrimòni e autres.
A la Tuta d’òc, espaci de diffusion de produches culturals, traparètz las darrièras parucions en lenga d’òc, e a la beguda « A Taula » tastarètz una cosina del terrador acompanhada de vins occitans… emai l’ivèrn, la terrassa es calefada.
Convergéncia Occitana, luòc d’escambis entre los fargaires de la vida occitana, participa als moments importants de la vida de la ciutat, mai que mai a las escasenças electoralas per rampelar als elegits e als ciutadans la pertinéncia d’una cultura millenària per pensar l’avenir !
La benvenguda a totas e a totes a l’Ostal d’Occitània.
Eveniments de Convergéncia
Rencontre avec François Hollande
Le jeudi 6 mai dernier, nous avons accueilli au sein de l’Ostal d’Occitanie, François Hollande. Cette rencontre s’est inscrite dans une lutte réelle pour la promotion et la sauvegarde des langues régionales.
Le 6 mai 2021
Revendications et propositions de Convergencia Occitana
Au vu des prochaines élections régionales, l’association CONVERGENCIA OCCITANA sollicite les principales listes se présentant aux élections régionales en Occitanie. CONVERGENCIA OCCITANA informe sur l’enseignement de l’occitan, la formation professionnelle et la formation des adultes à la langue et sur les médias.
Pour consultar lo document : Revendications et propositions de Convergencia Occitana.